Teams A ug B midaog batok sa ilang kaatbang

CEBU - Ang Team A ug ang Team B mi-iskor og managlahing kadaugan batok sa ilang tagsa-tagsa ka kaatbang sa pagsugod sa TTH Basketball Club didto sa University of San Carlos-North Campus.

Sa unang duwa, ang Team B midaog batok sa Team D, 83-72, samtang ang Team A, mipakurat sa Team C, 67-60.

Ang Team B milusad og linuog nga pangatake sa ikatulong quarter luyo sa paningkamot nilang Fritz Villamor ug Jerlo Aguas aron pag-inat sa labaw sa halftime, 39-36.

Sila si Villamor ug Aguas maoy nangu sa Team B sa ilang 17 puntos matag usa, samtang si Aris Jayme midugang og 15 puntos ug si Anton Colmenares mitampo og 10 puntos.

Si Martin Grogard mikulit og 21 aron pangulohan ang Team D. Sila si Mark Villagonzalo ug Teyoy Lim nagkumboya og 25 puntos sa pilderong Team D.

Sa laing bahin, ang Team A gipangulohan ni Diodato Lunday sa iyang 16 puntos, samtang si Christian Bacus mao sab ang nangu sa Team C sa iyang 21 puntos.

PUNTOS MATAG USA

Unang duwa:

Team B (83) -- Villamor 17, Aguas 17, Jayme 15, Colmenares 10, Cenabre 7, Jansen 7, Go 4, Ho 4, Uy 3

Team D (72) -- Grogard 21, Villagonzalo 13, Lim 12, Enricuso 8, Castañeda 6, Sestoso 4, Armenion 2, H. Lim 2, Manulat 2, Noel 2

Ikaduhang duwa:

Team A (67) -- Lunday 16, Quiñanola 12, D. Lim 10, Umabong 10, K. Lim 4, Cris 4, Aclan 4, Yap 3, A. Lim 2 Mercado 2

Team C (60) -- Bacus 21, E. Jayme 10, Sala 10, Mancera 8, dela Cruz 5, Policios 4, Dennis 2 (BANAT NEWS)