Poblacion I mitikdol sa San Isidro sa Talisay Cup

CEBU - Wala moila og gaba ang Poblacion I ug ilang gilubong ang San Isidro, 102-82 sa seniors division sa nagpadayong Talisay City Mayor's Cup 2008 Basketball Tournament niadtong Miyerkules sa gabii didto sa Talisay City Sports Complex.

Ngilngig kaayo nga nakaduwa sila si Marsun Tabay ug Jonathan Basmayor nga mibahog og 20 puntos matag usa aron pangulohan ang Poblacion I nga miposte sa ilang ikaduhang sunod-sunod nga kadaugan.

Ang Poblacion I nga nahiubos sa bracket B nagbitbit og 2-1 win-loss record.

Laing tulo ka magduduwa ang mikutlo sab og double figures. Si Allan Abellana miabuno og 16 puntos, si Diosdado Iglamo mipupo og 13 puntos ug si Alfredo Marcellana miani og 11 puntos alang sa maong kadaugan.

Ang napukang San Isidro gipangulohan sab ni Joenard Pavillon pinaagi sa iyang 21 puntos, gisundan ni Gilbert Laroa sa iyang 20 puntos.

Sa mga duwa sa SK, ang San Roque ug Dumlog temporaryo karong nag-una sa ilang tagsa-tagsa ka brackets dihang gipanglubong ang mga kaatbang.

Ang San Roque ug Dumlog pulos adunay managsamang 3-0 win-loss records.

Ang San Roque nga gipangulohan ni Mark Jerome Cabrera pinaagi sa iyang 13 puntos milubong sa Pooc, 68-42 aron temporaryong maghari sa bracket-2, samtang gilubong sab sa Dumlog ang Biasong sa iskor nga 77-51 alang sa bracket-3.

PUNTOS MATAG USA

Unang duwa:

(SK division)

SAN ROQUE (68) -- Cabrera MJ. 13, Cabrera CA 11, Magbanua 8, Villaber 7, Yang 5, Chiong 5, Ceballos 4, Oca 4, Gabaca 4, Sarita 4, Echavez 2, Aguirre 1

POOC (42) -- Barcelona 16, Muana 9, Obeso 8, Resuena, 4, Balorio B. 3, Balorio R. 2

Ikaduhang duwa:

(SK division)

DUMLOG (77) -- Obeso 17, Rosario 9, Goba 9, Calzada 6, Tabay 6, Seguerra 4, Kong 4, Canillo 4, Flores 4, Diamante 4, Fajardo 4, Mendoza 2, Racaza 2, Panugaling 2

BIASONG (51) -- Santos 16, Zafra 8, Maro 8, Padillo 8, Polancos 5, Labriaga 3, Hervas 2, Bas 1

Ikatulong duwa:

(Seniors division)

POBLACION 1 (102) -- Tabay 20, Basmayor 20, Abellana 16, Iglamo 13, Marcellana 11, Cabrilles 8, Yumol 6, Seguerra 4, Hernando 4

SAN ISIDRO (82) -- Pavillon 21, Laroa 20, Maru 12, Navaja 10, Sab-a 7, Oljol 4, Abunda 4, Maningo 2, Cañeda 2  (BANAT NEWS)