Black milubong sa Maroon, 112-85
CEBU - Napun-an na sab ang daog sa Black team dihang gilubong ang Maroon, 112-85 sa nagpadayong Basketball Association of Ramos (BAR) 2nd Conference niadtong miaging gabii didto sa Cogon-Central Ramos Sports Complex, ning siyudad.
Sayong miarangkada ang Black pinaagi sa paggiya ni Jojo Mante kinsa nakapundo og 14 puntos sud lang sa first quarter aron biyaan ang Maroon og nuybe puntos, 30-21. Misamot kagidlay ang duwa sa Maroon dihang ang Black mipatuman og hugot nga depensa. Gitapos sa Black ang halftime sa iskor nga 65-32.
Sukad niadto, wala na molingi pa ang Black sa nagkamang nga Maroon aron pagkulit og daog.
Sa laing duwa, ang Gold milampos sab pagposte og daog human gipukan ang Gray sa iskor nga 91-88.
Ang maong torneyo gipasiugdahan sa Basketball Association of Ramos (BAR) pinaagi sa pagpangulo ni Felicisimo Salcido uban sa suporta sa Cogon Central-Ramos Barangay Council ubos sa liderato ni Brgy. Capt. Omar Durano.
Puntos Matag Usa
Black (112) -- Mante 25, Lugod 15, Abella 12, Bernal 11, Turlao 10, Paca 10, Suico 8, dela Victorio 7, Cabuada 6, Rubi 4, Monsanto 4.
Maroon (85) -- Llanos 22, Benson 18, Cabase 14, Empleo 13, Reñas 9, Angcot 5, Briones 4 - BANAT
- Latest
- Trending
