Seigfred numero unong kandidato alang sa ROY award
Kasamtangan karong nag-una si Seigfred Ornopia sa lumba alang sa “Rider of the Year’ award sa 2008 MS Motosuit Motocross Series.
Si Ornopia nakapundo na og 306 puntos human sa 11 ka legs sa executive A division.
Sukad pagsugod ning tuiga sa kompetisyon nga gipaluyohan sa MS Motosuit, si Ornopia kanunay nga modaog itandi sa ubang mga competing riders. Ang pagbiya sab ni Andot Rubi ngadto sa United States nakapasayon sab sa kadaugan ni Ornopia.
Nagsunod ni Ornopia mao si Jun Enriquez nga nakapundo og 275 puntos.
Si Boni Bustillo, ang front-runner sa local enduro division maoy ikatulo alang sa tigiay sa Rider of the Year sa iyang 256 puntos. Si Bustillo mao sab ang nag-una sa novice enduro class sa iyang 233 puntos.
Ang batan-ong si John Flores milugar sa ikaupat nga dapit sa overall pinaagi sa iyang 229 puntos. Nag-una sab siya sa beginner’s open production.
Si Clark Wagas, ang top novice production rider napunta sa ikalima sa iyang 206 puntos, samtang si Pepo Rubi sa Castrol-Quickflight Racing maoy nag-una sa experts class sa iyang 177 puntos.
Si Keith Galaura, ang laing rider sa Castrol Quickflight Racing maoy nangulo sa mini class sa iyang 182 puntos.
Sa laing bahin, si Butch Flores mao sab ang nag-una sa executive C pinaagi sa iyang 169 puntos, si Gener Sicad sa executive B sa iyang 204 puntos ug si Rex Barbaso sa intermediate class sa iyang 163 puntos.
Matud pa ni businessman-sportsman Lou Ornopia, kinsa maoy nagpaluyo ning labing daku nga motocross spectacle sa southern Philippines nga ang kampiyon sa matag dibisyon adunay dakung kahigayonan nga makadaog og brand new motorcycle atol sa awards night sa dili pa matapos ning tuiga. - BANAT
- Latest
- Trending
