White milubong sa Green Guardo
Naka-ipsot ang White sa mainitong engkuwentro pinaagi sa paglubong sa Green Guardo, 90-77 sa Basketball Association of Ramos (BAR) 2nd Conference niadtong miaging gabii didto sa Cogon-Central Ramos Sports Complex.
Si Kent Salvador kinsa mipabuto og 38 puntos maoy migiya sa White aron langkaton ang kadaugan.
Nagkagidlay ang White sa sayong bahin sa duwa dihang gidabo-dabohan sila sa Green, kinsa miabante og sayes puntos 18-24.
Midiskarte ang White sa ikatulong kuwarter sa tuyo nga mailog ang momentum ug tuod man naangkon nila ang 10 puntos nga labaw, 65-55 paghuman sa maong kuwarter.
Si Salvador, ang sinaligan sa White team miabuno og 14 puntos sa katapusang kuwarter hinungdan nga ilang napukan sa hingpit ang Green Guardo nga gipangulohan ni Reynold Zamora pinaagi sa iyang 21 puntos uban sa abag ni Bebot Daysan nga mirehistro og 20 puntos.
Puntos Matag
White (90) – K. Salvador 38, Tumulak 18, Coyosa 12, Cabrera 9, Manal 4, Sala 4, Salego 3, Galorre 2
Green Guardo (77) –R. Zamora 21, B. Daysan 20, Guardo 13, Ramil 10, Sabay 7, dela Cruz 6
- Latest
- Trending
