Nasugdan na  T. Padilla 1st basketball  cage 2008

Nagmalampuson ang pormal nga pagbukas sa T. Padilla First Basketball Tournament 2008 didto sa Barangay T. Padilla Kiwanis Sports Complex.

Sama sa naandan, gisugdan ang maong kalihukan pinaagi sa usa ka parada nga gisalmotan sa mga partisipante gikan sa nagkalain-laing sitios.

Ang maong torneyo nga gisalmotan og 13 ka sitios   adunay tulo ka kategoriya -- ang mini (14-anyos ug paubos), midget (18-anyos ug paubos) ug junior (24-anyos ug paubos).

Mga sitios nga nisalmot  mao ang Panaghiusa, Lumar, Indian, Freedom,  BSJO, Bukog,  Avalle, Sto. Niño, LPC, HPO, Soquite,  Eagles ug T. Villa.

Milamas sa maong kalihukan mao ang pagpili sa best muse diin nidaog ang 14-anyos nga si Lea Rejet Bande sa Sitio Freedom. Si Julie Anne Espino sa Sitio Avalle ug si Lovelyn Cabilao sa Sitio HPO mao ang 1st ug 2nd runner-ups.

Ang maong torneyo  gipasiugdahan sa Sangguniang Kabataan nga gipangulohan ni Jason Rosafa uban sa abag sa Barangay Council ubos sa liderato ni Brgy. Capt. Michael Ralota.