Bacus brothers nidaog

Padayon nga mihipos og daog si Bob Anthony Bacus human niya gipilde si Lloyd Semblante sa gipahigayong Sinukmagay sa Tabunok 2008 niadtong Domingo sa gabii didto sa Tabunok Sports Complex,  Talisay City.

Si Bacus kinsa wala pa makatilaw og pilde sa upat ka away sukad nahimugso ang Talisay City Amateur Boxing Association (TACABA) promotions, mikulata ni Semblante pinaagi sa iyang mga solidong kumo aron pagpukan niini.

Si Bacus gipaabot nga usa sa mga boksidor nga mosunod sa lakang ni Manny Pacquiao sa umaabot. Agresibo  kaayo nga miaway si Bacus ug wala kini pupanagana  nga mikulata  ni Semblante hinungdan nga gi-angkon ang 3-0 nga kadaugan.

Sa laing bahin, midaog sab ang maguwang ni Bob Anthony nga si Elerton batok ni Junrel Rosales.

Si Elerton mipahaguros sa iyang mga mahait nga kumo dihang iyang nakorner si Rosales, kinsa nagpunga-punga sa pagpanagang sa nagdilaab nga kumo.

Lain pang boksidor nga mikulit og daog mao si  undefeated Kitesron Garces batok Ricardo Lopez, Marco Pumar vs. Richard Rama (24 kgs), Reson Tavona vs. Senrick Joshua Bacus (26 kgs), Nilo Gean Yray vs. Jefrey Estela (29 kgs), John Paul Caday vs. Eugene Urot (31 kgs), Brian Abaquita vs. Carlo Naparate (33 kgs), John Micheal Masong vs. Steven Noblefranca (34 kgs), Marvin Pumar vs. Bonie Campaña (23 kgs), Arvin Manayaga vs. Jomar Albia (21 kgs), Arve Dejos vs. Christopher Manayaga (23 kgs) ug Sede Nobefranca vs. Adrian Orbiso (25 kgs).