Mr. Perfect Body 2008 gitakda sa Hulyo 19
Subli na sab nga mopakita sa ilang maskuladong lawas ang mga nag-unang bodybuilders sa Sugbu nunot sa pagpahigayon sa Mr. Perfect Body 2008, ang tinuig nga kompetisyon nga gikatakda karong Hulyo 19 sa ala-1:00 sa hapon diha sa Gaisano Main Food Square.
Ang maong kompetisyon bukas sa tanang gyms dinhi sa Sugbu ug sa mga silinganang dapit sa Sugbu.
Giklaro hinuon ni Nancy Yukayguan, ang tag-iya sa Mr. Perfect Body gym ug organizer sa maong kalihukan nga ang first placer sa Mr.
Ang makampiyon mobulsa og P5,000, ang ikaduha makadawat og P3,000 ug ang ikatulo maangkon og P2,000.
Makadawat sab ang mga non-winner og gift packs, gift certificates gikan ni Rose Gaisano, ang tag-iya sa Gaisano Main ug Gaisano Country Mall.
Libre kini ug walay registration free nga pangayoon gikan sa tanang partisipante, apan 20 ka entrante lamang ang ilang dawaton.
Adunay pagahimuon nga pre-judging karong Hulyo 18 sa ala-1:00 sa hapon diha sa Mr. Perfect Body gym sa Plaza Borromeo building sa dalan Borromeo, ning siyudad.
Ang deadline sa pagpalista kutob lamang sa Hulyo 18 diha sa Mr. Perfect Body gym.
Alang sa dugang kasayoran tawaga lang si Jessica sa numero 253-0124.
- Latest
- Trending
