9 netters mipakita'g maayong tilimad-on
Siyam ka tennis players ubos sa unisex 10-under class ang mipakita og maayong tilimad-on sa Cebu leg sa 2008 Milo Age-Group Tennis Championships kagahapon didto sa Cebu Country Club tennis courts.
Si Carl Cathedral miblangko ni Dan Miguel Sesaldo, 6-0, 6-0, si Zimply Mae Alferez mipukan ni Jeanbert Dungog, 6-1, 6-2, samtang si John Godfrey Seno mimakmak ni Arthur Greg Santino, 6-3, 6-0.
Sa iyang bahin, si Joseph Singson milampurnas ni Sheena Camporedondo, 6-0, 6-1, samtang si Dereck Tabotabo mibuntog ni Andrew Senabre, 6-1, 6-1.
Si Joshua Kinaadman mipatigbabaw batok ni Rafael Arfon, 6-1, 6-0, si Christopher Encarnacion miposte og 6-1, 6-1 nga kadaugan batok ni Manuel Lopez, si Clyde Dojale nagmangtas sab batok ni John Mark Abad, 6-1, 6-0, samtang si Jason Lauron miparot ni Lissa Rose Lopez, 6-0, 6-1.
- Latest
- Trending
