Sirlitz Basketball clinic gisugdan kagahapon

Gisugdan na kagahapon ang second batch (advanced level) sa 5th Sirlitz One-on-One Play Like The Pros Basketball Clinic didto sa Guadalupe Sports Complex.

Ang summer camp training gikatakdang tapuson karong Mayo 31.

Matud pa ni head trainor Edcel ‘Say’ Vallena nga padayon pa gihapon silang modawat og mga estudyante.

Lakip sa itudlongadto sa mga estudyante mao ang shooting, footwork, dribbling ug defense. Tudloan sab ang mga tinun-an og proper lay-up, one-on-one or isolation plays  ug Korean- American basketball techniques.

Si Vallena, ang multi-titled coach sa commercial league nagkanayon nga atol sa graduation unya sa Mayo 31, mohatag siya og individual awards ngadto sa mga  takus nga tinun-an nga naglakip sa most valuable player, rookie of the year, best in dribbling, best in shooting, best in passing, best in lay-up, best defensive player ug most disciplined student.

Ang registration fee nagkantidad og P1,000 matag magduduwa ug libre na niini ang reversible jersey ug basketball. Ang training sessions himuon sa gikan sa alas-8:00 hangtod sa alas-10:00 sa buntag ug alas-10:00 sa buntag hangtod sa alas-12:00 sa udto gikan sa Lunes hangtod sa Sabado.

Si Vallena modawat sab og tutorials niadtong interesado nga buot mapalambo ang ilang talento sa basketbol.

Alang sa registration ug ubang mga kasayoran, niadtong interesado mahimong motawag o text ni Vallena sa 0920-6390885.