Magnificent Seven mosikad na karon
Magpanon dinhi sa Sugbu ang pipila ka mga inilang bilyarista sa nasud alang sa 1st Magnificent Seven Invitational National Qualifier nga mosikad karong adlawa diha sa billiards hall sa Bravio Sports and Restaurant sa dalan A.S. Fortuna, dakbayan sa Mandaue.
Pito ka mga dekalibreng bilyarista ang magtigi alang sa kampiyonato ning maong 9-ball nga kompetisyon nga sila si Lee Van Corteza, Gandy Valle, William Chua, Ricky Zerna, Dexter Arbineda, Ronnie Aying sa
Ang mga players moduwa og single round robin format. Ang mga duwa himuon gikan sa alas-3:00 sa hapon hangtod na mahuman.
Ang kampiyon makaangkon og luna alang sa Magnificent Seven Grand Finals nga gikatakda karong Disyembre.
Ang Bravio Sports and Restaurant mopahigayon sa Magnificent Seven tournaments matag labay sa duha ka semana. Ang mga winners magsangka sa usa’g-usag sa Magnificent Seven Finals.
Lain pang top cuemasters nga gipaabot mosalmot sa kompetisyon mao sila si Efren ‘Bata’ Reyes, Francisco ‘Django’ Bustamante, Ronnie ‘Volcano’ Alcano ug Alex ‘The Lion’ Pagulayan.
Ang matag magduduwa pangayoan og P50,000 nga registration fee, apan ang mapalarang entrante nga makampiyon mobulsa og P300,000 nga ganting salapi.
Ang Magnificent Seven poolfest gisuportahan sab sa Hilton Professional Cues, Fundador ug Rajah Park Hotel.
- Latest
- Trending
