Ang Hapee-Online Basketball Training Camp mikaylap sa mga silinganang siyudad ug munisipalidad.
Gawas sa Cebu City (Abril 1 sa Cogon-Ramos Gym), Minglanilla (Abril 1, Minglanilla Sports Complex) ug Ormoc (Abril 12 sa Ormoc Superdome), ang Hapee Online mohimo sab og training camp karong adlawa diha sa Basak Sports Complex sa dakbayan sa Lapu-Lapu.
Ang training camp himuon uban sa kooperasyon ni Basak Barangay Captain Lolit Berdin ug SK Chairperson Grace Jumao-as.
Si kanhi PBA player nga karon Online training camp director Mark Tallo miingon nga ang unang katuyoan sa Training Specialists mao ang paglalang og Sugbuanon nga mamahimong sikat nga baskebolista sa umaabot.
“We guarantee a money-back policy for those who will not learn from our training camp,” pasalig ni Tallo.
Ang Online training camp gipaluyohan sa Hapee Toothpaste, Gatorade, Pepsi, Dewfoam, DuraBend ug GS International.
Ang mga partisipante sa maong training camp adunay kahigayonan nga moapil sa pre-season games karong Mayo ug sa invitational tournaments unya sa Hulyo aron madugangan ang ilang exposure atol sa off-season training.
Ang registration fee nagkantidad og P1,100 libre na niini ang basketball ug upper uniform.
Alang sa registration, pakigkita lang ni Dodong sa Cogon-Ramos Barangay Hall ug Felix Avis sa Minglanilla Sports Complex. Alang sa Lapu-Lapu extension, mahimong motawag sa 256-2059 or 0910-5576443.