Mosikad na karong adlawa ang duha ka buwan nga Time Out Summer Basketball Clinic diha sa Cebu Coliseum.
Ang maong basketball clinic nga bukas alang sa boys ug girls hardcourt hopefuls, adunay duha ka levels -- ang beginners alang sa nagpangedaron og siyete hangtod sa 12 anyos ug ang advanced alang niadtong nag-edad gikan sa 13 hangtod sa 17 anyos.
Ang first batch sa training himuon karong adlawa hangtod sa Mayo 2, samtang ang second batch gikatakda sa Mayo 2 hangtod sa Hunyo 2.
Ang training sessions himuon gikan sa alas-8:00 hangtod sa alas-10:00 sa buntag alang sa beginners ug gikan sa alas-10:00 sa buntag hangtod sa alas-12:00 sa udto alang sa advanced campers.
Aron pagseguro sa kalidad sa training, si training camp director Salvaña, kanhi assistant coach sa Cebu Gems sa nabungkag nga Metropolitan Basketball Association (MBA), mokuha og mga banggiitang coaches nga moabag kaniya sa pagpadagan sa training camp.
Kini mao sila si Reggie Licanda, ang head coach sa University of Cebu (UC) Junior Webmasters, Opel Abellana, ang chief bench tactician sa University of San Carlos (USC)-South Campus ug kanhi pro star Teroy Albarillo.