Kings mikuniskunis sa Nets sa 2008 CUBA tourney
Ang Kings milaknit sa kanhi walay pildeng Nets sa iskor nga 77-62 sa ilang bangga sa mga banggiitan sa 2008 Cebu United Bankers Association (CUBA) First Conference basketball tournament didto sa Our Lady of Sacred Heart Parish Gym sa dalan Escario, ning siyudad.
Hinuon, ang kapildihan wala makahatag og negatibong epekto ngadto sa Nets kay nakaangkon na man kini og luna alang sa crossover semifinals uban sa Kings nga pulos nagbitbit og 4-1 win-loss records.
Ang Kings gibiyaan og otso puntos human sa unang kuwarter sa iskor nga 15-23, apan nakabawi pinaagi sa paglusad og 17-6 nga rally sa ikaduhang kuwarter aron pag-ilog sa labaw paghuman sa first half, 32-29.
Ang Kings mi-inat sa ilang labaw ngadto na sa double digits, 53-42 hangtod nga miabot kini 15 puntos paghuman sa duwa.
Sa laing bahin, ang Rizal Commercial Banking Corporation (RCBC) namungot pagsugod sa duwa aron ilubong ang Wealth Bank sa iskor nga 82-63.
Ang RCBC cagers miposte og 15 puntos labaw, 45-30 sa first half nga maoy nakaingon nga ang Wealth Bank nakapasosapinday sa tibuok duwa. Hinuon nakan-an sa Wealth Bank ang maong labaw, 60-49, apan ang RCBC milusad og 22-14 run aron maangkon sa hingpit ang kadaugan.
PUNTOS MATAG
Unang duwa:
RCBC (82) - Padayo 24, Diaz 17, Pestaño 17, Tingzon 12, Lawas 4, Formentera 4, Cabilao 2, Machado 2
Wealth bank (63) - Navarro 16, Allera 13, Osorio 10, Dominguez 10, Mantos 8, Mirafuentes 6
Ikaduhang duwa:
Kings (77) - Letrero 20, Dabon 11, Go 9, Chua 9, Cortes 8, Aparri 7,
Nets (62) - Soon 17, Solrmo 14,
- Latest
- Trending
