Senabre gi-apeke una pa midaog

Gi-apeke pa si Paulo Senabre sa Don Bosco College una niya maangkon ang kulbahinam nga 8-7 nga kadaugan batok  ni Christian Dale Son sa Mandaue Christian School sa pagsugod sa 2008 Prince All-Students Tennis Tournament kagahapon didto sa Alta Vista Golf and Country Club tennis courts.

Si Senabre mi-abante  sa  second round uban nilang Cyril Camporedondo sa University of the Visayas (UV) ug Jayvee Canoy ug Joseph Tallo  sa University of San Jose-Recoletos (USJ-R).

Si Camporedondo mipilde ni Norman Enriquez sa UV-Pardo, 802, samtang sila si Cano ug Tallo midaog sab batok nilang Franklin Encarnacion sa Dumanjug ug Ariel Torion sa University of San  Carlos (USC) sa managsamang iskor, 8-3.