Paningkamotan sa mga Cebuanor runners nga makapakita og maayo sa usa sa labing ilado nga marathon events sa kalibotan nga mao ang 2008 Standard Chartered Hong Kong Marathon sayo ning buntag sa nabantog na kaayong Victoria Park sa Hong Kong.
Kinse ka long-distance running gikan sa Sugbu ang moapil sa lumba nga wala pa nila maapili masukad.
Mangulo sa kampanya sa Sugbu mao si Leiszl Lumindas-Getaruelas ug si Mendel Lopez.
Si Getaruelas gitakdang modagan sa 21km half-marathon diin siya adunay dakung kahigayonan nga modaog, samtang si Lopez modagan ubos sa 10K category.
Mokompleto sa delegasyon sa Sugbu mao sila si Drs. Vic Verallo, Albert Santos, Yong Larrazabal, Peter Mancao, Pons del Prado ug Nicole Chua, Jesse Taborada, Meyrick Jacalan, Ted Tecson, Serge Amora, Tony del Prado ug Cebu City Sports Commissioner John Pages.