Giants, Realtors nangahas

 Nangahas ang Purefoods TJ Giants ug Sta. Lucia Realtors nga ilang palagputon ang ilang  kaatbang sa Game-6 karong adlawa sa Smart PBA Philippine Cup Final Four.

 Kun molampos ang mapangahason nga teams, mao unya kini ang unang higayon nga magkuros ang ilang dalan sa finals

Hinuon, sila si coach Ryan Gregorio sa Giants ug coach Boyet Fernandez sa Realtors, parehong nangandam sa mahinungdanong gubat aron mapugos ang duwa sa Game-7.

Ang Red Bull naparot sa miaging duwa dihang mikagar ang ikaduhang free throw ni  Junthy Valenzuela sa nahabiling 2.2 segundos sa duwa nga maoy nahimong gabayan sa Purefoods pag-abante sa serye, 3-2.

Bisan og alkansi sa serye, 2-3, ang Bulls wala gihapon mawagtangi sa ilang paglaum  ug  malaumon si coach Yeng Guiao nga ilang maangkon ang kadaugan sa maong serye kun ilang mahatod ang duwa sa Game-7. (Yoyo R. Abayan)