Jewelers misakmit ikatulong korona sa MVBA
Gipamatud-an na sab sa M. Lhuillier Kwarta Padala-Cebu City Jewelers nga sila maoy hari sa basketbol sa kasadpang bahin sa nasud human ilang gilampurnas ang Holcim Pryce Pharma-MisOr sa iskor nga 75-62 sa deciding Game-3 aron pagsakmit sa kampiyonato sa 2007 Mindanao Visayas Basketball Association (MVBA) Second Conference niadtong Sabado sa gabii didto sa Cebu Coliseum.
Mao kadto ang ikatulong korona sa upat ka komperensiya alang sa Jewelers ni Michel J. Lhuillier ug coach Raul 'Yayoy' D. Alcoseba. Ilang gitak-op ang "best-of-three" series sa baraha nga 2-1.
Sukwahi sa nag-unang duha ka duwa sa serye nga nadesidihan sa naghinapos na nga bahin sa duwa, apan ning higayona gipaneguro sa M. Lhuillier nga sayong mahibaw-an ang resulta.
Human magtabla ang iskor nga 10-10, si Finals MVP Bruce Dacia nakigkunsabo nilang Stephen Padilla ug Leo Bat-og aron paglusad og mainitong 14-2 rally nga maoy nakapalabaw sa M. Lhuillier og 14 puntos sa iskor nga 36-22 human sa first half.
Wala makaugpo ang mga sinaligan sa MisOr nga sila si Nat Cruz, Anton Villoria ug Mark Moreño gumikan sa hugot kaayong depensa sa M. Lhuillier.
Ang tulo nagkumboya lamang og 25 puntos. Sa kinatibuk-an, unom lamang ka players ni MisOr coach coach Bong Abad ang nakapuntos.
Wala na pasayloa pa sa M. Lhuillier ang MisOr sa nahabiling bahin sa duwa aron pagposte sa kinadak-an nilang labaw nga 20 puntos, 62-42 human si Bat-og milansang og upat ka sunod-sunod nga puntos sa nahabilin nga 6:28 sa duwa.
Si
Sa laing bahin, ang M. Lhuillier maoy mangu sa MisOr, Cebu Landmaster-Mandaue, Arthro Kontra Arthritis ug guest teams Tagaytay City ug Zamboanga City sa upat ka adlaw nga MVBA Christmas Cup nga sugdan karong adlawa diha sa Coliseum.
Puntos matag
M. Lhuillier (75) – Dacia 18, Padilla 16, Batg-og 12, Enriquez 8, Capati 8, Cavan 5, Basco 4, Latonio 2, Gatumbato 1, Caputolan 1
Holcim Pryce-MisOr (62) – Nailon 16, Tagupa 12, Villoria 11, Concha 9, Cruz 9, Moreño 5
- Latest
- Trending
