Sally Mae, Niño naka-double victory sa Langkawi
Nakab-ot gyud ang pangandoy nilang Sally Mae ug Niño Siso dihang ilang giharos ang tanang titulo nga giladlad sa katapusang leg sa 2007 Malaysian junior tennis circuit human sa ilang pagpanghawod sa singles ug doubles event sa Langkawi International Age-Group Tennis Championships kagahapon.
Hinuon, dili tanang dakung dungog ang naangkon sa mga Sugbuanon gumikan kay si Krissianne Kintanar, napakyas sa iyang tinguhang double victory ug misakiyo lang kini og silver sa girls' 12-under class.
Wala kaayo paningta si Sally Mae sa iyang sangka batok ni Kim Kyeong Ah sa Korea nga maayo kaayo niyang pagkadispatsar, 6-0, 6-1 sa girls' 14-under sa ilang final match.
Si Sally Mae nipakita sa iyang abilidad uban sa iyang bag-ong katimbang sa doubles event human ang Theviya Selvarajoo, ang katimbang sa nangaging tulo ka legs mi-atras. Si Sally Mae nakigparis ni Maya Mametguliyeva aron pagpukan nilang Lee Chan Mi ug Kim Kyeong Ah sa
Sa laing bahin, si Niño gilisud-lisud pa una niya maangkon ang duha ka titulo. Iyang unang titulo nakuha sa doubles event diin iyang gikatimbang si Hanifah Rahizam aron pagpukan nilang Bradley Lucas Lai ug Khoo Eer Yang sa
Apan sa singles title maoy labing lisud nga nasugatan ni Niño, diin nagkinahanglan pa siya og taas-taas nga panahon una niya maangkon ang kadaugan batok ni Syed Agil, 6-4, 4-6, 6-4 sa boys' 14-under category..
“Daug gyud ta, pero paningot jud ug kumbate si Niño,” (“Yes, we won but Niño had to work hard for it.”), matud ni Sally Siso, ang inahan ug coach nilang Sally Mae ug Niño.
Miabag nilang Sally Mae ug Niño sa ilang pagpanulong didto sa Malaysia naglakip sa University of San Carlos, Prime Strucdtures, Dunlop, Tavo's Sports ug ang Guardo Group of Companies.
- Latest
- Trending
