1st Carcar City Motocross mosikad karong Domingo
Gipaabot nga magpanon ang mga masibuton og motocross sa pagsikad sa 1st Carcar City Motocross Challenge karong Domingo diha sa Villa Anonong sa naasoy'ng dakbayan.
Ang maong kalihukan magsilbeng 10th leg sa 2007 MS Motosuit Motocross Series.
Ning higayona, ang riders mobanat og maayo aron makatigom og puntos ug ingon man pagpalig-on sa ilang 2007 rankings ug pangandam alang sa 2008 races.
Si Glenn 'D King' Aguilar ang MS Motosuit image model, gipaabot nga mosalmot og balik human kini mapalta sa miaging leg tungod sa mga commitments didto sa kaulohan.
Gawas sa leg champion, ang best riders makahagdaw sab og ganti gikan sa mga organizers.
Mipasiugda sa maong lumba mao si Lou Ornopia, ang 2007 Sports Association of Cebu-San Miguel Corporation (SAC-SMC) All-Cebu Sports Awards Sportsman of the Year.
- Latest
- Trending
