PBL balik sa Rizal Memorial

Matapos ang 11 taon, magbabalik ang Philippine Basketball League sa kanilang birthplace sa pagdako ng aksiyon ng 2008 V Go Extreme Energy Drink sa Rizal Memorial Coliseum.

Dalawang kapanapanabik na aksiyon ang naghihintay para sa kanilang mga orihinal na fans sa pagtuntong ng Hapee Toothpaste at Harbour Centre na determinadong mapanatili ang kanilang 1-2 position sa kanilang pakikipaglaban sa kani-kanilang mga katunggali.

Para sa mainit na panimula, nakakaharap ng Hapee Complete Protectors, na naghahangad ng kanilang ikaanim na sunod na panalo, ang Toyota Balintawak sa alas-4 ng hapon.

Ngunit bago ito, magtatagpo muna ang Harbour Centre at Mail & More sa alas-2 ng hapon.