Kapin sa 200 ka players ang mopakita'g aksiyon sa 4th Matias H. Aznar Cup nga mosikad ugma didto sa Alta Vista Golf and Country Club.
Ang kompetisyon modagan lang sud sa duha ka adlaw, apan ang mga partisipante moduwa lang og 18 holes.
Usa ka residential lot gikan sa Sta. Lucia Realty and Development Inc. ang nagpaabot sa makakuha sa hole-in-one sa hole No. 8, club share gikan sa Aznar Brothers Realty sa hole No. 15, P50,000 gikan sa AVGCC sa holes No. 6 ug No. 13 ug usa ka Skygo motorcycle sa tanang 5 par-3 holes.
Ang ceremonial tee off gitakda ugma sa alas-10:00 sa buntag nga pangulohan ni club chairman Matias 'Bombi' Aznar III.