Football clinic, mini-tournament sa Boljoon

 Kapin sa 100 football enthusiasts ang mosalmot sa Chad Gould Football Clinic ug mini-tournament karong adlawa diha sa Moriah grounds atubangan sa Boljoon Parish Church sa lungsod sa Boljoon sa habagatang Sugbu.

Ang Fil-Brit Gould, sakop sa nagkadaiyang  football clubs sa United Kingdom nga miduwa sa Philippine team atol sa 23rd Southeast Asian Games sa Bacolod.

Gawas sa clinic, aduna say pagahimuon nga mini-tournament.

Ang mga partisipante sukdon sa ilang abilidad sa football players gikan sa Sacred Heart School-Jesuit ug lain pang mga koponan nga moapil sa kompetisyon.

Ang Cebu Football Association (CebuFA) nga gipangulohan sa ilang presidente nga si Jonathan Maximo maoy mo-assist sa maong kalihukan ug ingon man modonar og mga bola sa tanang pampublikong tunghaan sa Boljoon, kinsa interesado nga mopalambo sa duwang football sa ilang tagsa-tagsa ka mga tunghaan.

Ang maong kalihukan gipaluyohan sa The Freeman, ang igsuong mantalaan sa Banat News, USA Sports, ABS-CBN, Smart Communications ug Pepsi Cola uban sab sa Sunsport, Shemberg Corporation, Timex, Mactan Rock, Virginia Foods, Arthro Herbal Supplement, Aboitiz Group of Companies, Krua Thai, Waterfront Hotel ug Boljoon Parish.