Angay palapdan

Usa ka magbabasa niining lindog ang mi-text kanako ug miingon nga ang labing lab-as nga kadaugan ni Efren 'Bata' Reyes sa IPT World 8-Ball Open Championship dakung dungog sa atong nasud ug angay kining makapadasig sa atong kaigsuonan pagsagop sa billiard sport. Uyon ko sa iyang panahom.

Ang maong kadaugan ni  Reyes maoy laing buhing pamatuod nga adunay kuwarta diha sa pagdula og bilyar. Nagpakita kini sa kamatuoran nga ang pagdula og bilyar, kun seryosohon lang ug himuong career, dili lang usa ka kalingawan kondili magsilbe usab nga tinubdan sa panginabuhi.

Ang pagdaog ni Reyes sa IPT World 8-Ball nagmatuod usab nga dili mabentahaan ang Pinoy kun abilidad na sa binurakay ang hisgotan. Nagpakita kini nga dili maasiasi ang mga Pilipino kun ang pagbakyaw sa tako maoy hisgutan. Mao nga angay palapdan ang programa mahitungod sa pagpalambo sa billiard sport dinhi sa atong nasud aron makakaplag pa kita og dugang mga talento.

Daku'g mahimo ang Billiard and Snooker Congress of the Philippines (BSCP) ug ang Corporate Billiards League (CBL) aron matigayon kining maong tinguha. Nindot unta kun ila pa gyung patas-an ang ilang mga kamot aron makaabot niadtong mga magdudula nga nagpuyo sa labing layo nga dapit sa atong nasud aron madiskubre ang ilang talento, mapalambo ug mapahimuslan diha sa panginabuhi.

Hinaot unta nga may magpakabana usab sa pag-sponsor og mga torneyo nga makapadasig sa atong mga lokal nga magdudula sa pagbakyaw sa ilang tako. Pinaagi niini, dili mapuo kondili magkadaghan hinuon ang kaliwat sa mga bilyarista dinhi sa atong nasud. Pinaagi usab niini, mas mapalambo nato ang kalidad sa dinulaan sa atong mga bilyarista. Nga sa ato pa, daghan na unya ang world class billiard player sa Pilipinas sama ni Reyes.

* * *

Ato na sab ipadayon ang pagtuki sa Glossary of Billiard Terms nga atong gikutlo gikan sa librong Billiards: The Official Rules and Records Book nga gipatik sa Billiard Congress of America (BCA). Ania:

*Breaking violation (Pocket games) — A violation of special rules which apply only to the opening-break shot of certain dreams. Unless specified in individual game rules, a breaking violation is not a foul.

*Bridge (General) — The hand configuration that holds and guides the shalf of the cue during play.

Padayonon ta kini sa sunod higayon.

* * *

(Mga sugyot ug pakisayod? Text sa 0910-8105522)