Akaduwa Awarding sa Osmeña Darts Summer League karong Sabado

Ang mga mananaog sa 4th Mayor Tomas Osmeña Inter-Barangay Darts Summer League pormal nga pasidunggan karong Sabado didto sa Baseline Sports and Recreation Center.

Pormal nga seremonyas ang gitagana sa maong kalihukan.

 Motambong sa maong awarding mao si  Cebu City Councilor Sylvan "Jack" Jakosalem.

Human sa awarding, mosunod dayon ang championship sa Metro Cebu Darts League (MCDL) nga pagabanatan sa Slick Stick batok Jockey Wilson.

 Si Wayno Ugang nga maoy motimon sa Jockey Wilson nagpabiling buhi sa ilang kampanya pagkuhit sa titulo dihang ilang gipilde ang City Hall Employee Darters Association (CHEDA) pinaagi sa kulbahinam kaayo nga 9-7 decision.

Ang CHEDA, gilangkuban nilang Allan Veloso, Dick-dick Ramirez, Steve Montenegro, Dino Bacayo, Jomar Amerol ug Odong Pamatian maoy nisakmit sa third place honors sa MCDL.