Ateneo vs La Salle sa V-League

Maghaharap ngayon ang magkaribal na Ateneo De Manila University at De La Salle University sa pagpapatuloy ng Shakey’s V-League women’s volleyball sa The Arena sa San Juan.

Magtatagpo ang mga Lady Blue Eagles at Lady Archers sa ganap na alas-5 ng hapon matapos ang labanan ng FEU Lady Tamaraws at Letran Queens sa alas-3 at upakan ng UST Tigresses at Adamson Lady Falcons sa ala-1.

Kinuha ng Lyceum ang unang semifinals seat mula sa kanilang 5-0 kartada, saman-talang apat pang semis berths ang pag-aagawan ng San Sebastian (3-1), Ateneo (2-1), La Salle (2-2), UST (1-1), FEU (1-3), Adamson (0-3) at Letran (0-3).

Kinuha ng Lady Pirates ang kanilang pang limang sunod na pagwawagi matapos igupo ang Lady Falcons sa apat na sets.

Target ng Lady Blue Eagles ang kanilang ikatlong sunod na panalo matapos umiskor ng isang five-setter kontra Tigresses noong Mayo 24.

Hangad naman ng Lady Archers na makapagtala ng unang back-to-back win patu-ngo sa inaasam na ikaapat na sunod na korona.

Sa kabila ng kawalan ng panalo, inaasahang magsisi-kap pa rin ang Lady Falcons at Queens na makuha ang ka-ni-kanilang unang tagumpay.

Lima lamang sa walong ko-ponan ang aabante sa semis matapos ang single round ro-bin elimination. (R.Cadayona)