Mayo 31, 2007

Si Marvin Eguia nipakyaw og tulo ka daog aron pagbulsa sa titulo sa Class A sa Oriental Port and Allied Services Corporation (OPASCOR) Chess Tournament didto sa OPASCOR building.

Si Eguia sa Accounting Department nilansang og 4.0 puntos atol sa five-round Swiss system competition aron pagdawat sa P3,000 nga ganti sa champion.

Si OPASCOR’s audit consultant Florimae Velasco ug Accounting’s Vench Ybañez parihong nitapos og 3.5 puntos pero si Velasco maoy gihatagan og katungod nga makaloblob sa first runner-up tungod kay siya man ang nakakuha og higher tie-break output.

Nikompleto sa entry sa Class A mao silang OPASCOR president ug general manager Atty. Tom Riveral, Tony Riveral, Ricky Lucero, Albert Mula, Gerry Dignos, Mark Alasagas ug Dwight Velasco.

Sa class B, si Fel Alasagas nisapo og daog sulod sa lima ka duwa aron pagsakiyo sa P2,000.

Samtang si Gerard Dignos, Jr. nihiklin sa ikaduhang luna ug gisundan ni Arvin Riveral.

Sa wala pa ang duwa, ang mga mahiligon sa chess nga pulos empleyado sa OPASCOR nitambong una og seminar nga gipalanog ni NM Ben Macapaz, kinsa mao usab ang gihimong hurado sa maong torneyo.