Explosion from Bulusan slopes feared

Ang  Cotton  Village ug ang Upper Cuanos niposte sa ilang unang daog human kini maka-eskapo sa  kulbahinam nilang duwa sa pagbukas sa Cuanos Junior Summer League  niadtong miaging Sabado diha sa Cuanos Sports Square sa Minglanilla.

Sa pasiunang duwa, ang Upper Cuanos nakaipsot gikan sa mga kamot sa   Pitogo 2 sa iskor nga 61-60, samtang ang Cotton Village hapit madisgrasya sa Proper Cuanos sa iskor nga 67-65.

Sikit kaayo ang duwa   tali sa Upper Cuanos  ug Pitogo 2, gani nagtabla ang iskor, 17-17, paghuman sa unang kuwarter ug nagtabla sab kini paghuman sa unang- tunga sa iskor nga  43-43.

Tantong  sinukliay og mga puntos, nilabaw  og uno punto ang Upper Cuanos, 61-60, sa nahabiling 12 segundos kortesiya ni Didi Labrador.  May purohan  unta modaog ang Pitogo, apan   nikagar ang mahinungdanong itsa  ni Jorry Sanchez dayong kapupos sa oras.

Sa  laing  bahin, si Judy Labrador kinsa niburak og 15 puntos  uban ang 15 ka rebounds maoy nakaluwas sa Cotton Village dihang iyang nailog ang  inbound  pass  ni Andoy Obcial  nga maoy hinungdan sa  kaparotan sa Proper Cuanos.

Ang Cotton Village dili unta mag-agi og kalisud dihang milabaw kini og sayes puntos, 65-59 sa nahabiling 1:25 sa duwa, apan sa wala damha  nakahigayon ang Proper Cuanos pagpakanaog og 6-0 run aron pagtabla sa iskor, 65-65.

Si  Melvin  Laborada nikolekta  og 13  puntos, Bobet  Alic niamot og 12  puntos ug si Ram  Obcial miani  og 11 puntos alang  sa Cotton Village.

Samtang ang Proper Cuanos gipangulohan ni Jave Caño, kinsa miposa og 14 puntos, gisundan ni Andoy Obcial nga adunay 13 puntos, samtang  silang Roy Laguras ug Brendel  Bastida  nagkumboya og 17 puntos.