Harbour Centre binuhay ni Castro

Binigyang buhay ni Jason Castro ang ‘never-say-die’ motto ng defending champion Harbour Centre at ito ay nagsulong sa mga Batang Pier na nakalimang sunod na panalo na sa kasalukuyang 2007 PBL Unity Cup matapos mabigo sa kanilang debut game kaya siya ang napiling Player of the Week para sa linggong April 30 hanggang March 6.

Umiskor si Castro ng game winning na tres sa 73-70 panalo ng Port Masters kontra sa karibal na Toyota Balintawak para sa kanyang 12 points, 3 rebounds, 1 assists at two blocks.

Nauna rito ay ang 84-81 overtime decision a kontra sa Cebuana Lhuillier-Pera Padala kung saan nakipagtambal ito kay Chico Lanete sa 10-1 run sa extra period

Samantala, sa ikatlo at huling laro kamakalawa, nakatabla ang Cebuana sa ikalawang puwesto sa Burger King matapos itala ang ikaapat na panalo sa 6-laro nang kanilang igupo ang Dazz ‘Sang Patak, 74-59. (MBalbuena)