Nagwagi si Mayweather sa isa sa pinakamayamang laban sa boxing sa pamamagitan ng kanyang impresibong defensive skills at bilis para sa 12-round split decision at makopo ang WBC Super Welterweight title sa kanyang kauna-unahang pagsabak sa 154lbs. category.
Natapos ang laban ng dalawang ipinagmamalaking kampeon, na nakatayo ang sellout crowd na 16,200 sa MGM Grand Garden at nagsisigawan para sa dalawang boksingero na nagpapalitan ng suntukan bago tumunog ang final bell bago sila tumigil at nagyakapan.
Lamang si Mayweather na binu-boo ng crowd na pabor na pabor kay De La Hoya, sa unang score-card sa 116-112 at sa pangalawa, 115-113 at sa ikatlo si De La Hoya, 115-113.
Nanatiling walang talo si Mayweather sa 38-fights na kumita ng US$10 milyon at US$25 milyon naman kay De La Hoya.