USC basketball clinic sugdan karong Abril 10

Ang University of San Carlos (USC) South Campus Summer Basketball Clinic gitakdang sugdan karong Abril 10 diha sa ilang korte.

Ang registration fee mibalor og P1,100 matag partisipante.

Ang training camp pangulohan ni USC coach Mike Reyes uban nilang USC Passarelle tactician Christophel "Ope" Abellana, Small Basketeers of the Philippines (SBP) coach Saturnino Mayormita ug coaching staff member Ryan Betia.

Lakip sa itudlo sa maong training mao ang footwork sa offense ug defense, dribbling, passing ug shooting.

Ang USC cage clinic gitamod human sa Ateneo basketball program nga gipaila ni Reyes.

Ang training camp bukas sa tanang aspiring basketeers lalaki o babaye nga nagpangedaron og 6-13 anyos.

Ang certificates of attendance ang ihatag sa tanang partisipante atol sa closing ceremony unya sa Abril 28.