Si national champion Stella Diaz-Mamac ug ang fast-rising nga si Angelito Sibayan maoy nanghawod sa tagsa-tagsa nila ka dibisyon aron pagdaog sa premier women ug men's open titles.
Si Diaz-Mamac mitapos sa dagan sa oras nga 39 minutos ug 29.52 segundos aron pagpukan sa garbo sa Sugbo nga si Leiszl Lumindas-Getaruelas, kinsa igo lang mipahiluna sa ikaduhang dapit sa oras nga 40:53.83.
Gisundan kini sa laing banggiitang runners nga sila si Mary Rose Arman sa University of Southern Philippines-Foundation alang sa ikatulo nga dapit (42:01.76), Mary Jane Beboso, ikaupat (42:57.05, Sheena Gacayan sa University of Cebu, ikalima (43:21.89), Merlita Arias (44:14.14), Madelyn Carter (44:29.80), Joery Lee (44:59.67), Gina Adan (47:28.04) ug Camela Luterte (47:35.23).
Sa men's open, si Sibayan maoy nidominar sa lumba pinaagi sa pagpilde sa pambato sa Sugbo nga si Mendel Lopez sa USP-F.
Gitapos ni Sibayan ang lumba sulod sa 32 minutos ug 37.81 segundos, gisundan kini ni Lopez sa oras nga 32:43.60.
Si Joel Delposo sa Badian National High School, maoy nipahiluna sa ikatulo uban sa oras,33:25.70, gisundan kini sa iyang maguwang nga si Eugene, ang Milo Cebu-Elimination champion alang sa ika-upat sa oras nga 33:34.78. Si Joseph Penales sa Bohol maoy nikompleto sa top-5 sa oras nga 33:17.03.
Sa executive class, si Enrique Mangas maoy giilang road runner human niya gitapos og dagan ang lumba sa oras nga 41:21.93. Iyang gipilde sila si Garry Garcia (41:46.72) ug Froilan Roble (45:58.64) nga mipahiluna sa ikaduha ug ikatulo nga dapit.
Samtang sa masters B, si Joaquin Laurente maoy nanghari human niya gilatas ang finishing line sa oras nga 40:34.10, gisundan ni Paulino Obra (45:18.84) alang sa ikaduha ug Wilfredo Ignacio (45:45.26) alang sa ikatulo.
Ang maong event gipasiugdahan sa Cebu City Sports Commission inabagan sa Sports and Fitness Enthusiasts (SAFE)-Cebu.