Coeseteng at San Mig Coffee Racing team naghahanda na para sa 2007

Sariwa pa sa isang kampanya sa Group 1 Saloon division, wala nang makakapigil kay Jody Coseteng ng San Mig Coffee Racing team na magsanay para sa isa pang Philippine National Touring Car (PNTC) Champion-ship sa 2007.

Ayon kay Coseteng, desidido siya na bigyan pa ng isang kampeonato ang San Miguel Corporation (SMC)-backed team matapos na magbakasyon sa eksena ng motorsports.

"I've been considering it but the management said that I'm still good for the next two to three years based on the performance of the team and I think we can still win a few more championships," wika ng 46-year-old na si Coseteng.

"I will compete as long as I keep on winning championships for San Miguel," dagdag pa ni Coseteng, na tinanghal na Driver of the Year.

Pinasalamatan ni Coseteng si SMC president and chief operating officer Ramon S. Ang, isang avid racing enthusiast, sa pagsuporta nito sa San Mig Coffee Racing Team.

Ayon pa kay Coseteng, maagang naghahanda ang San Mig Coffee Racing Team para sa 2007 season sa pagtatatag ng koponan ng second car na susuporta sa modified Honda Civic car na siya ring napiling Most Handsome by Race Fans Inc. sa karerang ginanap sa Subic International Raceway.

"It is going to be even tougher in 2007. With this in mind, we made a lot of advance plans on how we can cope up with competition and give the team an edge," pagtatapos ni Coseteng.