Team 6 giyukboang 'Team of the Week'

Ang Team 6 maoy giilang "Team of the Week" sa Cebu Tenpin Bowling Association (CETBA) Juniors-Rotary Club of Cebu Port Center League diha sa SM City-Cebu Bowling Center.

Ang Team 6, nga gilangkuban nilang John Galindo, Genie Silva ug John Gasataya nagtabla sa Team 4 nga pulos adunay kuwatro puntos.

Apan ang Team 6 maoy niguwang mananaog human milabaw sa series points nga 1,663 pinfalls batok sa Team 4 nga adunay 1,587 pinsfalls.

Ang Team 2 nipahiluna sa ikatulo nga adunay tres puntos, samtang ang Team 5 ug Team 1 napunta sa ikaupat ug ikalima nga dapit.

Si Chris Foyle sa Team 2 maoy nidagit sa individual race sa iyang 604 pinfalls.

Gisundan kini ni James Zuluaga saTeam 5 sa iyang 580 pins. Laing pambato sa Team 2 nga si Jonathan Aoyama maoy niangkon sa ikatulong dapit sa iyang 566 pinfalls.

Nikapyot sa top 10 mao silang John Gasataya (563), John Galindo (553), Brian Sy (551), Genie Silva (545), Jed Joven (542), Adrian Zuluaga (536) ug Beatrix Tan (530).