Ito ay matapos umurong ang kampo ng tinaguriang "The Sniper",ang nakababatang kapatid ni world boxing icon MannyPacquiao, sa naturang eliminator bout nila ni Soto na nakatakda sanang idaos sa Montbleu Resort Casino & Spa sa Lake Tahoe, Nevada.
Tinanggap ng grupo ni Bobby Pacquiao ang alok na labankay dating International Boxing Federation (IBF) featherweight titlist Robbie Peden.
Si Bobby Pacquiao, nagbabandera ng 27-11-3 win-loss-draw slate tampok ang 12 knock-outs,ang kasalukuyang hari sa super featherweight category ng WBC Continental Americas.
Nanggaling si Bobby Pacquiao mula sa isang fourth-round KO kay Kevin Kelly noong Hunyo 10 sa New York matapos na ring umiskor ng isang split decision kaydating world champion Carlos "Famoso" Hernandez.
Huling nakatikim ng kabiguan si Soto noon pang 2002 sa mga kamao ni Kelly bago ang ipinosteng 16-fight winning streak.
Iniwanan naman ni Soto, may 39-5-2 win-loss-draw ring record kasama ang 23 knock-outs, ang featherweight class upang umakyat sa super featherweight division.
"I feel more comfortable at 130 pounds," dahilan ni Soto. "I’d like to stay at this weight for a year, then I’d like to jump to the lightweight division."
Si Soto ang tumalo kay American Rocky Juarez, tinalo ni world featherweight king Marco Antonio Barrera kamakailan, para sa WBC crown noong 2005.
Samantala, makaraang ibigay ng Pangulong Gloria Macapagal-Arroyo ang kanyang State of the Nation Address noong Lunes, may sarili at maikling bersiyon din si Manny Pacquiao na ibinahagi sa mediamen.
"Maganda ang mga sinabi ni Presidente sa SONA (the President said many good things in the SONA)," ani Pacquiao na naghost ng dinner sa mediamen na nagkober ng kanyang laban kay Oscar Larios ng Mexico sa Araneta Coliseum kamakailan.
"Alam mo na maganda ang hangarin ni Presidente kaya dapat natin siyang suportahan (We know that the President has good intention so we have to support her)," dagdag ni Pacquiao. (Russell Cadayona)