Siso siblings nanghawod

Ang managsuong Siso padayong mipakita sa ilang kadasig bisan og gibiyaan na kini sa ilang amahan pinaagi sa paghakot og pipila ka mga tropeyo sa Ozamiz leg sa Milo National Age-Group Tennis Championships didto sa Ozamiz City sa miaging adlaw.

Pipila ka mga adlaw human malubong ang abog sa ilang ilang amahan didto sa Ozamiz, ang kagikan sa ilang inahan nga si Sally, si Sally Mae nilabni og duha ka titulo, samtang ang iyang maguwang nga si Niño nidagit og usa ka titulo ug runner-up trophy. Ang ilang kinamaguwangan nga si Sallydine nakasakmit sab og runner-up trophy.

Ang no. 1 sa atong nasud sa girls' 12-under netters nga si Sally Mae miagi usa og lisud nga kumbati batok ni Hazel Grace Ylizen una niya maangkon ang kadaugan sa iskor nga 6-1, 6-0.

Iya usab giunay og pilde ang iyang kaugalingong igsuon nga si Sallydine sa finals sa girls' 14-under sa iskor nga 6-1, 6-4.

Si Niño sa iyang bahin, mi-areglar sa iyang championship game gawas sa korte.

Sa tinguha nga makaabot sa gikatakdang oras sa pagbiya sa barko balik sa Sugbo, gihatag ni Niño ang tropeyo ngadto ni Larry Antigua sa boys' 16.