Mr. Perfect Body 2006 finals sa Gaisano Main

Kapin sa 50 ka bodybuilders ang magtige karon sa Mr. Perfect Body Bodybuilding Competition diha sa Gaisano Main Food Square.

Ang kompetisyon sugdan sa usa ka aerobics exhibition sa alas-12:00 sa udto.

Mga clubs dinhi sa Sugbu nga moapil ning maong kalihukan mao ang Kristine Gym, Herbolt, Sweat Gym, Highway Star, Body Rock, Baseline, Abelgas Gym, Pacquiao Gym, University of Cebu, Hard Body, Power Blast ug D' Perfect Body Club Fitness Center ug Bodytone.

Ang midaog sa "Mr. Perfect Body" sa miaging tuig nga si Elvis Dicdican maoy guest poser uban nilang Jay Carillo ug Romualdo Barbon.

Duha ka kanhi Mr. Philippines nga sila si Ben Andales ug Wesley Lim maoy mga hurado ning maong tigiay uban ni Henly Uy.

Ang maong kompetisyon nga gitukod ni Nancy Yukoyguan gisuportahan usab sa YKG Industrial Sales Corporation, Jomaly Printers, Healthfit Shoppe Incorporated, Aqua Air, De. Vicente dela Peña Jr., Lipovitan ug Maria Lina Catering Services.

Mga ganting salapi, tropeyo ug gift packs ang giandam alang sa mga mananaog, samtang ang non-winners hatagan og gift certificates gikan ni Rose Gaisano sa Gaisano Main ug Gaisano Country Mall.