John Arne, Unilink daog

Ang kainit sa CX Plus John Arne Construction pagsugod sa duwa maoy gihimo nilang taytayan pagkab-ot sa 88-76 nga kadaugan batok sa Flammazine sa Sunday-Wednesday-Friends Club basketball tournament diha sa CEC gym.

Sa laing duwa, ang Unilink nakabangon gikan sa ilang kapildihan sa una nilang duwa dihang ilang naangkon ang kulbahinam nga kadaugan batok sa Summit Drinking Water sa iskor nga 94-92.

Ang CX Plus ubos sa pagtimon ni playing coach Boy Te, uban sa presensiya sa German center Roland Koschinger ug John Arne maoy mikontrolar gikan sa pagsugod hangtod nga nahuman ang duwa.

Si Vincent Reyes maoy nangulo sa kadaugan sa CX Plus sa iyang 18 puntos, si Dave Lim miamot og 12 puntos ug si Jimbo Noel mitampo og 10 puntos, samtang sila si Te ug Koschinger nagkumboya og 13 puntos.