P10M advance ng Brent sa PSC kinukuwestiyon

Nalalagay ngayon sa alanganin ang Philippine Sports Commission (PSC) bunga ng advance payment na ibinigay ng Brent International School na nagkakahalaga ng P10 milyon bilang bayad sa 16 na buwang pamamalagi sa PhilSports compound.

Kasalukuyang dinidinig ang kasong isinampa ng Brent School na Request for Admission na may civil case No. 67617 na kung saan kinukuwestiyon nila ang kasalukuyang PSC chairman na si William Ramirez patungkol sa paggamit sa ini-advance na pera para sa kanilang renta na nagkataon naman ay ginamit para sa Southeast Asian Games hosting.

"Were you authorized by defendant Philippine Sports Commission to file the Motion to Approve Payment of Advance Rental before Branch 266 of the Regional Trial Court of Pasig," isa sa katanungan sa apat na pahinang dokumento.

"Was the Ten Million Pesos you received from Brent actually disbused by you for 2006 Southeast Asian Games," katanungan pa ng Brent kay Ramirez. (Beth Meraña)