Halos karamihan sa 26 sports events ay ikinalat sa iba’t ibang probinsya sa bansa, tampok rito ang boxing sa Tubod, Lanao del Norte at ang athletics sa Nueva Ecija.
Isasabay naman ng Philippine Amateur Track and Field Association (PATAFA) ang kanilang National Open Invitational Championships sa nasabing sports meet, ayon kay secretary-general Benjamin Silva-Netto.
Nakatakda ang National Open sa Hunyo 21-23 sa Silay, Nueva Ecija kung saan makikita ang mga lahok ng Thailand, Indonesia, Chinese-Taipei, Malaysia at Singapore.
Bukod sa athletics at boxing, ang iba pang sports events na nakalatag sa Philippine Olympic Festival ay ang swimming, equestrian, gymnastics, taekwondo, archery, judo, sepak takraw, bowling, basketball, volleyball, weightlifting at wrestling. (Russell Cadayona)