Bardon manulong sa Japan

Ang Philippine flyweight champion nga si Jojo Bardon sa Wakee Salud Stable gikatakdang moaway batok ni one-time WBA ug WBC flyweight contender Trash Nakanuma sa Japan sa 12 ka hugna nga non-title fight karong Hunyo 17 didto sa Korakuen Hall sa Tokyo, Japan.

Si Bardon, lumad nga taga-San Carlos City apan dinhi nag-base sa Sugbu gikan pang milampos sa iyang away batok ni Rocky Fuentes pinaagi sa split decision niadtong Marso 18.

Si Bardon kasamtangan karong nagbitbit og 14-9-1 win-loss record uban 8KOs, samtang ang beteranong si Nakanuma usa ka knockout artist ug 12 na niini ang gidaog pinaagi sa KO's sulod sa 26 ka daog apan nakatilaw kini og unom ka pilde.