Western Wats-2 pabiling naghari

Nagpabiling walay pilde ang Western Wats-2 human nila gibuntog ang sister team Western Wats-1, 74-70 sa miaging adlaw sa 2nd Inter-Call Center basketball tournament diha sa City Sports Club Cebu gym.

Ang Western Wats-2 kasamtangang nagpahayay sa unang dapit sa standings bitbit ang 3-0 win-loss record

Si John Montecillo maoy nangulo sa tanang mamuntosay sa iyang 24 puntos diin ang Western Wats-2 nabiyaan og kuwatro puntos, 27-31paghuman sa unang tunga.

Apan si Montecillo nitali og 11 puntos sa katapusang kuwarter aron pagpadaog sa Western Wats-2 .

Sa laing duwa, ang defending champion Sykes-1 napukan sa People Support sa overtime sa iskor, 69-70, samtang ang Convergys nipatikangkang sa Sykes-2, 66-55.