Quirimit nakapuslit

SAN FERNANDO City --Nakawala kay national rider Ericson Obosa, team captain ng Inca, ang ikalawang stage na pinangunahan ng inspira-dong si Arnel Quirimit ng Elixir Sports ngunit su-werte pa ring napanatili ng Stage 1 winner ang overall leadership ng binabag-yong 2006 Tanduay Padyak Pinoy ng Tour Pilipinas kahapon.

Para sa defending champion na si Warren Davadilla, minalas na ito bago pa man magsimula ang karera, tila wala itong nakikitang liwanag para sa kanyang hinahangad na ikatlong titulo.

Nagsilbing inspirasyon ng 2004 Tour Pilipinas champion na si Quirimit ang pagdaan ng karera sa kanyang bayan sa Puzzo-rubio, Pangasinan kung saan inabangan ito ng kanyang mga kamag-anak at tagasuporta, para pangunahan ang 190-kilometrong karera Caba-natuan City-San Fer-nando City Stage 2.

Sa katunayan, kasa-ma ni Quirimit si Obosa at ang rookie na si Irish Valenzuela ng Cossack Vodka sa lead group ngu-nit pareho itong sumem-plang sa pagliko, dala-wang kilometro papasok sa finish line sa harap ng San Fernando City Hall na tuluyang nagkaloob kay Quirimit ng P5,000 stage prize makaraang tapusin ang karera sa loob ng apat na oras, 26-minuto at 50 segundo.

Bagamat nahuling pumasok sa finish line, binigyan sina Obosa at Valenzuela ng kapare-hong oras ni Quirimit kasama ang stage runner-up na si Frederick Feli-ciano ng Air21 at 2003 Tour of Calabarzon winner Santy Barnachea ng Sunbolt, base sa bagong UCI (Union Cycliste Inter-nationale) na sa huling tat-long kilometro ng karera, bibigyan ng kaparehong oras ng stage winner ang mga siklistang sumem-plang, na-flat o nagkaroon ng mechanical trouble.

Dahil dito, inangkin ng 29-gulang na si Obosa ang Yellow jersey na simbolo ng overall indivi-dual leadership sa kauna-unahang pagkakataon na isusuot nito sa mapag-subok na 249-kilomet-rong San Fernando-Ba-guio City Stage 3 na aak-yat via Naguillan at baba-ba ng Kenon road bago aakyat uli ng Pine City via Marcos Highway.

Si Obosa ay may ka-buuang oras na 7 oras, 25-minuto at 02-segundo habang nanatili rin sa ikalawang posisyon si Santy Barnachea ng Sunbolt na siyang naka-kuha ng third place kaha-pon matapos mag-runner-up kamakalawa na may 10-segundo lamang na distansiya sa yellow jersey kasunod ang rookie na si Harvey Sicam ng Elixir Sports, third place sa Stage 1, na may 1:34 minutong agwat.