Pacman tiwalang tatalunin si Barrios

MANILA, Philippines —  Balewala kay dating world eight-division champion Manny Pacquiao ang 16 taong tanda niya kay American welterweight king Mario Barrios.

Sa kanilang press conference kahapon sa Mandalay Bay sa Las Vegas, Nevada ay kitang-kita ang pagiging kumpiyansa ng 46-anyos na si Pacquiao sa kanyang paghahamon sa 30-anyos na si Barrios.

“Don’t worry about it,” sabi ni Pacquiao sa mala­king agwat nila sa edad ni Barrios. “I’ve been here before. I know what to do.”

Pupuntiryahin ni Pacquiao (68-8-2, 39 KOs) ang suot na World Boxing Council (WBC) welterweight crown ni Barrios (29-2-1, 18 KOs) sa Hulyo 19 sa MGM Grand Garden Arena.

Ito ang unang laban ni ‘Pacman’ matapos matalo kay Cuban Yordenis Ugas via unanimous decision para sa World Boxing Association (WBA welterweight belt noong Agosto ng 2021 kasunod ang kanyang pagreretiro.

Iniupo ng WBC si Pacquiao sa No. 5 sa listahan ng mga welterweight figh­ters.

“I’m here to show e­veryone that I still have what it takes. I’m excited for this challenge,” ani Pacquiao.

Bago matalo sa kanyang Senatorial bid sa nakaraang national elections ay inihayag na ng WBC ang laban ni Pacquiao kay Barrios.

Kagaya ni Pacquiao, alam na rin ni Barrios ang kanyang gagawin sa oras na magkita sila sa ibabaw ng boxing ring.

“That’s the main thing. Going there and don’t let him get his rhythm going. I’m not going there taking rounds off. It’s just another fight for me,” ani Barrios na isinilang sa San Antonio, Texas at idol si Mexican boxing legend Juan Ma­nuel Marquez.