Pinayuko ni Martinez, ang reigning Asian at Southeast Asian Games titlist si Isyk Denyz ng host country sa pamamagitan ng suntok sa katawan sa ikalawa at ikatlong round tungo sa 12-9 panalo.
Dahil sa panalong ito, naipaghiganti rin ni Martinez ang kabiguan ng kababayang si Gretchen Abaniel kay Derya Aktop ng Turkey sa second round.
Ang biyaheng ito ng mga boksingero na suportado ng Philippine Sports Commission at Pacific Heights, ay bahagi ng paghahanda ng Nationals para sa Doha Asian Games.
Napanatili naman ni Pabila na nakataas ang bandila ng Pilipinas nang magtala ito ng lopsided na tagumpay kay Mongolian J Otgonbayar, 38-14.
Ngunit ang araw ay para kay Marcial na nagposte ng pina-ikling panalo (2nd round referee-stopped-contest ourtscored, 28-8) laban sa Korean na si Chan Soun Park.