Phil. Star, JVC Open Badminton Corporate champ

Ibinigay lahat ng Philippine Star ang kina-kailangang lakas upang pabagsakin ang Meralco, 2-1 upang ibulsa ang corporate crown na nag-kakahalaga ng P50,000 sa pagtatapos ng JVC Open Badminton Cham-pionship sa punum-punong Glorietta Activity Center kahapon.

Sumandig ang Star-men sa mixed doubles pair nina Chester Cordero at Annalyn Delgado na pinayukod ang tambalang Joel Noga at Flor Vivas, 15-0, 15-2 upang mapa-sakamay ang korona.

Nauna rito, pinagha-tian ng dalawang kopo-nan ang doubles event kung saan dinomina ng pares nina Starmen Melody Villaceran at Dalia Santiago ang duo nina Criselda Sarabia at Diana Barbo, 15-9, 15-7.

Kinana naman ng Meralco ang men’s doubles nang ang mag-partner na sina Danilo Ildefonso at Reynaldo Selga ay manaig laban sa pares nina Rodolfo Gutierrez at Jopet Sison, 15-4, 15-6.

Sa iba pang resulta, ipinamalas naman ni Toby Gadi ng Golden Shuttle Foundation (GSF) ang kanyang maningning na performance upang ipos-te ang impresibong 15-0, 15-2 panalo laban kay Kevin Dalisay ng PNP/JLTC/Victor upang umitin ang korona sa boy’s junior.

Pinigil naman ni Karyn Velez ang dominasyon ng GSF nang angkinin ang korona sa girls side mata-pos na igupo si Cheska Bermejo ng Capiz Bad-minton Team, 11-0, 11-2.

Matapos ang panalo ni Gadi, nakipagpareha naman ito sa elite ladies singles champion na si Janina Paredes upang hiyain sina Dalisay at Elaine Cuevas, 10-15, 15-8, 15-13 at agawin ang mixed doubles diadem sa 16-under divi-sion ng event na ito na su-portado ng Tokyo Tokyo, Aktivade Sport Drink, The STAR, Pinoy Exchange, Ayala Center, Power-Smash, Accel, 102.5 Klite, 89.9 Magic, Jemah at Solar.