Foul ‘yan!

Matalas ang dila nitong trainer ni Mario Barrios, ang Mexican champion na haharapin ni Manny Pacquiao sa July 20 sa Las Vegas.

Maangas. Walang respeto.

Mantakin mo, dalawa lang daw ang pwede puntahan ni Pacquiao after the fight: ospital o simenteryo.

May mga kalaban si Pacquiao dati na trash talkers gaya ng kampo ni Antonio Margarito at Brandon Rios.

Pinagtawanan pa ang kondisyon ni Freddie Roach.

Ang ending, bugbog pareho.

Ngayon lang ako nakakarinig ng sinabi ni Bob Santos, isang American trainer.

Ewan ko ano ang nainom niya para sabihin ang ganun. Baka gusto lang na mapikon si Pacquiao at masira ang diskarte.

Kilala ko si Pacquiao. Once focused, wa-epek sa kanya ang ganun. Kung ang gusto naman nila eh matakot o kabahan ang nokma natin, excuse me po.

Tahimik lang si Pacquiao. Ang masama, baka mag backfire pa kay Barrios ang ugali ng trainer niya.

Baka kainin niya ang salita niya.