Manalili milampos

Laing na sab nga kalampusan alang sa mga Sugbu-anon human ang anak sa bangiitang coach dinhi sa Sugbu milangkat sa titulo sa gipahigayong Chunkee Corned Beef Shooters National Shoot-out Challenge kagabii didto sa Araneta Coliseum.

Si Robert Manalili, ang anak ni Titing Manalili, mitala ug 17 puntos sulod sa 32 ka attempts aron sa paglangkat sa championship sa shooters challenge nga gipaluyuhan sa Purefoods.

Si Manalili sa University of San Jose-Recoletos midawat ug P20, 000.00 gawas sa trophy ug gift packs gikan sa Purefoods.

Si Purefoods team manager Alvin Patrimonio ang midunol sa award ngadto ni Manalili.

Ang nakakuha sa ikaduhang dapit mao ang taga-Baguio City ug ang nakakuha sa ikatulong luna mao ang taga-Bacolod City.

Ang National Finals gipahigayon atol sa half time break sa Game-2 sa PBA finals tali sa Talk 'N Text Phone Pals ug San Miguel Beer