Ramirez, babandera sa RP gymnastics team

Babanderahan ni Roel Ramirez, gold medalist sa Vietnam Games, ang kampanya ng bansa sa gymnastics sa 23rd Southeast Asian Games na gaganapin sa magkahiwalay na lugar sa bansa sa Nobyembre.

Si Ramirez na sumungkit din ng silver medal sa America Cup noong nakaraang buwan ang mangunguna sa 19 pang ibang gymnasts na nakapasok sa national team roster matapos pumasa sa national ranking meet sa Gymnastics Center sa Rizal Memorial Sports Complex.

Nakatabla ni Ramirez sa top ranking na si Brydon Sy, bronze medalist sa Vietnam, sa Men’s Artistic Gymnastics sa kanilang magkatulad na iskor na 48.725. Pumangalawa siya sa horse vault (9.425) at parallel bars (7.70). Sa kabilang dako, si Sy, No. 1 sa rings (7.75) at parallel bars (8.20) at ikalawa sa floor exercise (8.25) at horizontal bars (8.00).

Makakasama nina Rami-rez at Sy sa MAG squad sina Al Ramirez, na pang-3rd (47.675), Ronnie Ramirez, 4th (41.250), Jovin Estera, fifth (38.275) at Kris Matthew Lombridas, sixth (38.05).

Sa WAG, nanguna naman ang Vietnam SEAG veteran na si Emille Christa Santos na may kabuuang iskor na 31.600, kasunod si Cintamoni de Guzman (29.450), Patricia Paraso, 3rd, (29.345) at Kristine Raissa Sagui-sag na pang- 4th (28.975). Nakun-tento naman sa fifth place si Vietnam SEAG bronze medalist Danielle Phoebe Espiritu (27.250) habang si Ma. Virginia Acuña ang 6th place na may 24.200.

Ang all-rookie team ay bubuuin naman ng rhythmic gymnastics team nina Danica Calapitan, na nangunga matapos makaipon ng 6.429 points, Carla Dionisio, 2nd (65.292), Ma. Corazon Canlas, 3rd (64.366) at Sheryl Contillo, 4th (59.681).

Sa sports aerobics, bumandera naman si Marlon Capati, na may 20.88 points, kasunod si Allena Rius, 20.72; Carmendo Ensomo, 3rd, 20.27 at Jennylo Gacula, 4th, 19.60.