PBL Unity Cup: 3rd slot sa semis siniguro ng Hapee

Nasiguro ng defending champion Hapee Toothpaste ang ikatlong semifinals slot matapos iratsada ang 55-49 pana-lo laban sa Blu Star Detergent sa PBL 2004 Unity Cup sa Letran Gym.

Makakaharap ng Hapee ang Viva Mineral Water-Far Eastern Uni-versity sa kanilang semis match.

Sa semis, maglalaban ang mga koponan sa isang double-round robin affair tangay ang kani-kanilang standings sa eliminasyon.

Umatake si Emerson Oreta ng 14 puntos para pamunuan ang Teeth Sparklers sa kanilang ikaanim na panalo sa 11 asignatura habang tumipa si Olan Omiping ng 10 puntos at pito at anim na produksiyon kina Pep Moore at Reed Juntilla ayon sa pagkakasunod.

Sa ikalawang laro, nanalo ang Montana Pawnshop sa Toyota Otis-Letran, 71-60, upang maitulak sa sukdulan ang kanilang serye. Muling maghaharap ang dalawa sa Martes. (Ulat ni IAN BRION)